Մեծ Բրիտանիայի պատմության մեջ ամենահաջողակ լեյբորիստ վարչապետ Թոնի Բլերը, որը պետության ղեկավարի պաշտոնը զբաղեցրել է 1997-2007 թթ, անհրաժեշտ է համարում կանգնեցնել ԵՄ-ից Մեծ Բրիտանիայի դուրս գալու գործընթացը։ Այս մասին նա հայտնել է Sky News հեռուստաալիքին տված հարցազրույցում։
«Կարծում եմ, որ հիմա կարելի է հասնել Brexit.-ի դադարեցմանը։ Ես անհրաժեշտ եմ համարում, որ ԵՄ-ից Մեծ Բրիտանիայի դուրս գալը չկայանա, քանի ո ր դա մեզ վնաս է հասցնելու թե տնտեսական, թե անկասկած՝ քաղաքական առումով»,- նշել է նախկին վարչապետը։
Բլերի խոսքով, հասարակական կարծիքը հիմա տեղաշարժվում է ԵՄ-ի անդամակցությունը պահպանելու կողմը, ու դա տեղի է ունենում տնտեսությունում ակնհայտ փոփոխությունների ֆոնին։ «Անցած տարի այս ժամանակ մենք տնտեսական աճի ամենաբարձր տեմպերն ունեինք G7-ում, իսկ հիմա ՝ ամենացածրը, մեր խնայողությունների մասնաբաժինը հիմա ամենացածր մակարդակի վրա է գտնվում վերջին 50 տարվա համեմատ։ Միջազգային ներդրումային համայնքը իրոք սկսել է մեզ բացասաբար վերաբերել, օրինակ ավտոմոբիլային արդյունաբերության մեջ ներդրումները կրճատվել են 30 տոկոսով։ Մարդկանց կենսամակարդակում լճացում է նկատվում»,- ասել է Բլերը։
