Հայաստանը մասնակցում է ՆԱՏՕ-ի անդամ եւ գործընկեր երկրների զինծառայողների վարժանքներին, որոնք անցկացվում են Ռումինիայի Չինկու զորավարժարանում:
Վարժանքներին հետեւում են Ռումինիայի նախագահ Կլաուս Իոանիսը եւ ՆԱՏՕ-ի ռազմական կոմիտեի ղեկավար, գեներալ Պետր Պավելը, հայտնում է AP-ն:
Վարժանքների ընթացքում Ռումինիայի, ԱՄՆ-ի, Ուկրաինայի, Հայաստանի եւ Խորվաթիայի զինծառայողները հրաձգություն են կատարել ամերիկյան եւ ռումինական օդանավերի աջակցությամբ:
Վարժանքներին, որոնք սկսվել են այս շաբաթ եւ կտեւեն մինչեւ հուլիսի 20-ը, մասնակցում են 25 հազար զինվորականներ` ավելի քան 20 դաշնակից եւ գործընկեր երկրներից:
