Հատուկ պահանջներ ունեցող լիբանանցի զբոսաշրջիկները տպավորված են Հայաստանի հյուրընկալությամբ։ NEWS.am-ի թղթակցին Զբոսաշրջության հարցերով պետկոմիտեի մամուլի ծառայությունից հայտնել են, որ բժշկական կենտրոններից մեկը հաշմանդամներին տրամադրել է սայլակներ, իսկ երեւանյան հյուրանոցներից մեկը, որտեղ նրանք իջեւանել են, առավելագույնս հաշվի է առել նրանց պահանջները։

Ընդ որում 38 զբոսաշրջիկներից ոչ մեկը հայ չէ՝ բոլորն արաբներ են։ Հայաստանի մասին նրանք գիտեն իրենց հայ հարեւաններից ու ընկերներից։ Իսկ Հայաստանի հայերը, նրանց խոսքով, նույնքան սրտացավ մարդիկ են։ 

Հյուրերին Հայաստանում դուր են եկել ժպիտներն ու ինքնազգացողության մասին մշտական հարցերը։ Եվ գլխավորը՝ այդ սրտացավությունը գործով արտահայտելը, շեշտում են նրանք։