Հուլիսի 17-21-ը հանրապետությունում սպասվում է բարձր ջերմային ֆոն, Երեւանում, Արարատյան դաշտում եւ Սյունիքի հովիտներում ցերեկը կանխատեսվում է մինչեւ +38...+39 աստիճան տաքություն եւ բարձր կարգի հրդեհավտանգ իրավիճակ: Օդի միջին օրական ջերմաստիճանն այդ օրերին բարձր կլինի նորմայից 5-7 աստիճանով:
Հուլիսի 17-ին սպասվում է առանց տեղումների եղանակ: Քամին հարավ-արեւմտյան՝ 3-8 մ/վ, երեկոյան ժամերին Արարատյան դաշտում հնարավոր է լեռնահովտային քամու ուժգնացում՝ 16-21 մ/վրկ:
Օդի ջերմաստիճանն աստիճանաբար կբարձրանա 2-3 աստիճանով:
«Հայպետհիդրոմետ»-ի տեղեկացմամբ՝ Երեւանում հուլիսի 17-ին սպասվում է առանց տեղումների եղանակ, երեկոյան ժամերին հնարավոր է լեռնահովտային քամու ուժգնացում՝ 19-21 մ/վրկ: Մայրաքաղաքում գիշերը կդիտվի +19+21, ցերեկը՝ +36+38 աստիճան տաքություն:
Ջերմաստիճանը մարզերում՝
Շիրակում՝ գիշերը` +10+15, ցերեկը` +23+28,
Կոտայքի լեռներում՝ գիշերը` +10+15, ցերեկը` +23+28,
Կոտայքի նախալեռներում՝ գիշերը` +17+20, ցերեկը` +30+33,
Գեղարքունիքում՝ գիշերը` +10+15, ցերեկը` +23+28,
Լոռիում՝ գիշերը` +13+17, ցերեկը` +25+29,
Տավուշում՝ գիշերը` +17+20, ցերեկը` +28+33,
Արագածոտնի լեռներում՝ գիշերը` +10+15, ցերեկը` +23+28,
Արագածոտնի նախալեռներում՝ գիշերը` +18+20, ցերեկը` +34+36,
Արարատում՝ գիշերը` +18+22, ցերեկը` +36+38,
Արմավիրում՝ գիշերը` +18+22, ցերեկը` +36+38,
Վայոց ձորի լեռներում՝ գիշերը` +10+15, ցերեկը` +23+28,
Վայոց ձորի նախալեռներում՝ գիշերը` +18+22, ցերեկը` +36+38,
Սյունիքի հովիտներում ՝ գիշերը` +17+22, ցերեկը` +35+38,
Սյունիքի նախալեռներում՝ գիշերը` +12+15, ցերեկը` +26+29,
Արցախում՝ գիշերը` +16+19, ցերեկը՝ +28+33: