Չինաստանի հյուսիս-արեւելքում՝ Ցզիլին գավառում, հորդառատ անձրեւները 18 մարդու կյանք են խլել, եւս 18-ն անհայտ կորած է համարվում։ Այս մասին հաղորդում է «ՌԻԱ Նովոստի»-ն՝ վկայակոչելով CCTV հեռուստաալիքը։

Հորդառատ անձրեւների պատճառով գետերում ջրի մակարդակը բարձրացել է, արտակարգ ծառայությունները զգուշացնում են փլուզումների եւ սողանքների հնարավորության մասին։ Տարերքի հետեւանքով նյութական վնաս է կրել 320 հազար մարդ, շուրջ 115 հազար բնակիչներ անվտանգ շրջաններ են տեղափոխվել։

Վատ եղանակի պատճառով մի շարք բնակավայրեր առանց էլեկտրականության են մնացել, ավերվել են ճանապարհները, խախտվել է կապը։ Ներկայում որոշ շրջաններում հաջողվել է վերականգնել կապն ու հոսանքալարերը։