«Իսլամական պետություն» ահաբեկչական խմբավորման առաջնորդի հնարացոր փոփոխությամբ ոչինչ չի փոխվի: Հուլիսի 17-ին լրագրողների հետ հանդիպմանն այս մասին հայտարարեց արաբագետ Սարգիս Գրիգորյանը:
Անդրադառնալով ԻԼԻՊ-ի առաջնորդ Աբու Բաքր ալ-Բաղդադիի զոհվելու մասին լրատվամիջոցներում տարածված տեղեկություններին՝ արաբագետը նշեց, որ դրա արդյունքում ԻՊ-ի մարտավարությունը չի փոխվի: «Հակառակը, ԻՊ-ն կձգտի վերականգնել նախկին դիրքը»,- ընդգծեց Գրիգորյանը:
Ավելի վաղ լրատվամիջոցներն ԻՊ-ի առաջնորդի մահվան մասին հերթական լուրերն էին տարածել: Իրաքյան Alsumaria հեռուստաալիքն էլ հաղորդել էր, որ տեղեկությունը հաստատել է հենց խմբավորումը՝ հայտարարելով, որ զինյալները պատրաստվում է ալ-Բաղդադիի հետնորդին նշանակել: Սակայն հուլիսի 16-ին իրաքյան իշխանությունները հերքեցին ահաբեկիչների առաջնորդի մահվան մասին տեղեկությունը:
