Թուրքիայում մահապատժի վերականգնումը կփակի այդ երկրի՝ Եվրամիությանն անդամակցելու դուռը։ Այս մասին հայտարարել է Եվրահանձնաժողովի նախագահ Ժան-Կլոդ Յունկերը, փոխանցում է «ՌԻԱ Նովոստի»-ն։
«Դա կփակի ԵՄ-ին անդամակցության դուռը»,- ասել է Յունկերը։
Թուրքիայի նախագահ Ռեջեփ Թայիփ Էրդողանը շաբաթ հայտարարել է, որ ձախողված հեղաշրջման փորձի տարելիցին իշխանությունների կողմից 250 զոհերի վրեժը կլուծվի։ «Նախ մենք կկտրենք այդ դավաճանների գլուխները։ Մենք կկտրենք նրանց գլուխները»,- ասել է Էրդողանը։
Թուրքիայում ապրիլին կայացած սահմանադրական հանրաքվեն ավարտվեց բարեփոխումների կողմնակիցների հաղթանակով. կառավարման խորհրդարանական համակարգից երկիրն անցում կատարեց նախագահականի։
