Ոստիկանության Երեւանի վարչության ՊՊԾ գնդի դիմաց այսօր՝ հուլիսի 17-ին, ՊՊԾ գնդի գրավման ժամանակ սպանված երեք ոստիկանների հիշատակին մոմավառություն էր կազմակերպվել: NEWS.am-ի թղթակիցը հաղորդում է, որ Երեւանի Խորենացի փողոցում գտնվող ՊՊԾ գնդի շենքի դիմաց տեղադրվել է զոհված ոստիկանների հիշատակին նվիրված հուշարձան, որի մոտ մոմեր են վառել եւ ծաղիկներ դրել սպանված ոստիկանների հիշատակին:
Մեկ տարի առաջ հուլիսի 17-ին «Սասնա ծռեր» զինված խմբի 31 անդամները գրավել էին Երեւանի Էրեբունի վարչական շրջանում գտնվող ՀՀ ոստիկանության պարեկապահակային պահպանության գունդը:
Զոհվել էր ոստիկանության գնդապետ Արթուր Վանոյանը, ավելի ուշ` Գագիկ Մկրտչյանն ու Յուրի Տեփանոսյանը:
