Բադեն Վյուրտեմբերգ հողի ոստիկանությունը Շորնդորֆում քաղաքային տոնակատարության ժամանակ տեղի ունեցած զանգվածային անկարգությունների հետաքննության համար ակնկալում է տուժածների ու ականատեսների ցուցմունքները։ Այդ մասին հայտնել է իրավապահ մարմինների պաշտոնական ներկայացուցիչը, հայտնում է «Գերմանական ալիքը»։
Տոնակատարությունները մտայլվել էին կողոպուտներով ու սեռական ոտնձգությունների առնվազն չորս դեպքերով։ Վերջին դեպքերի համար մեղադրում են մեկ իրաքցի ու երեք աֆղան ապաստան խնդրողների։ Բացի դրանից, ոստիկանությունում հայտնել են, որ հուլիսի 16-ին քաղաքային պուրակում մոտ 1000 խուլիգան էր հավաքվել։ Հիմնականում երիտասարդներ, որոնց մեծ մասը միգրանտներից են սերում։ Նրանք շշեր են նետել քաղաքային ամրոցի շենքի, տոնի մասնակիցների ու ոստիկանների վրա։ Երբ ոստիկանությունը փորձել է ձերբակալել խուլիգաններին՝ սկսվել են բախումներ։
Գիշերվա ընթացքում քաղաքը բառացիորեն ահաբեկել են խուլիգանների մի քանի խմբեր՝ յուրաքանչյուրը 30-50 հոգուց բաղկացած։ Նրանցից շատերը դանակներով էին զինված։ Կան տուժածներ, մի քանի ոստիկանական մեքենաներ են ջախջախվել, թափքերի վրա գրաֆիտի էր արվել։ Իրավիճակը վերահսկողության տակ վերցնելու համար իրավապահները ստիպված են եղել նոր ուժեր ներգրավել։
Շորնդորֆի օբեր- բուրգոմիստր Մաթիաս Քլոփֆերը չի համաձայնել ոստիկանության որոշ գնահատականների հետ։ Մասնավորապես նա SWR հեռուստատեսությանը հայտնել է, որ այգում հավաքված խուլիգանների մեծ մասը ավագ դասարանցիներ ու դպրոցի շրջանավարտներ էին։ Նրա խոսքով միգրանտները ավելի ուշ են նրանց միացել;