ԵՄ-ն ու Մեծ Բրիտանիան ծրագրում են հանդես գալ համատեղ առաջարկությամբ՝ ԱՀԿ-ին անդամակցության պայմանների բարեփոխման մասին։ Այս մասին հայտնում է Reuters-ը՝ վկայակոչելով ԵՄ-ում իր աղբյուրը։
Կողմերը նաեւ քննարկում են առեւտրային վեճերի շուրջ պարտավորությունների բաշխման հարցը, այդ թվում Airbus-ի սուբսիդիաների հարցով ԱՀԿ դատական վեճերը ԱՄՆ-ի հետ, ասել է աղբյուրը։ «Հիմա մենք բանակցում ենք Միացյալ Թագավորության հետ՝ այդ հարցի շուրջ համատեղ մոտեցման մասին»,- ասել է աղբյուրը։
Այն հարցին, թե որքանով է կարեւոր ավարտել ԱՀԿ-ին անդամակցության պայմանների լրամշակումը մինչեւ պաշտոնական «Բրեքսիթը», աղբյուրը պատասխանել է ․ «Իմ տպավորությամբ Մեծ Բրիտանիան դա կարեւոր է համարում»։