Waymo ընկերության (Google-ի ստորաբաժանում) ինքնակառավարվող մեքենաները կսովորեն ճանաչել արտակարգ ծառայությունների մեքենաները, որպեսզի նրանց կարողանան ճանապարհ զիջել, գրում է Autonews-ը։

Վերջերս Waymo-ն ոստիկանների ու հրշեջ ծառայողների հետ համատեղ փորձարկել էր ավտոմատ կառավարման համակարգով իր մեքենաները։ Փորձարկումներն անցկացվել են Արիզոնայի Չանդլեր քաղաքի փողոցներում։

Waymo-ի ինժեներները գրանցել են ծառայողական մեքենաների օգտագործած ազդանշանների տարբեր տեսակներ։ Ինքնակառավարվող մեքենաների հատուկ սենսորները ունակ են ճանաչել հատուկ ազդանշաններն ու որոշել արտակարգ ծառայության մոտեցող մեքենայի գտնվելու վայրը։ Իրավիճակից կախված՝ էլեկտրոնիկան անհրաժեշտ որոշում է կայացնում, որպեսզի ծառայողական տրանսպորտին ճանապարհ զիջի։