Նոր Արբատի բարձրահարկ շենքում խոշոր հրդեհը հանգցրել են։ Այս մասին հաղորդում է «ՌԻԱ Նովոստի»-ն՝ վկայակոչելով ԱԻՆ-ի գլխավոր վարչության Մոսկվայի գծով ներկայացուցչին։
«Հրդեհը հանգցված է»,- ասել է գործակալության զրուցակիցը։
ԱԻ նախարարության Մոսկվայի գլխավոր վարչության ներկայացուցիչ Սերգեյ Ժյոլտովը հայտարարել էր, որ դեպքի վայրում աշխատում են 60 հրշեջներ եւ 20 միավոր տեխնիկա։ Հրդեհի պատճառով Մոսկվայի կենտրոնում շուրջ 2 կմ ձգվող խցանում է գոյացել։ Վարորդներին խորհուրդ են տալիս շրջանցել դեպքի վայրին հարակից փողոցները։
Այրվում էր 26 հարկանի շենքը՝ 28.9 քառակուսի մետր տարածքով։ Այն կառուցվել է 1968 թվականին։ Արտաքինից այն բացված գիրք է հիշեցնում, ուստի ստացել է «Գիրք շենք» անվանումը։