Հայաստանի համար ավելի ձեռնտու է, որ Արեւելյան Անատոլիան շարունակի մնալ Թուրքիայի վերահսկողության ներքո։ Այս մասին հուլիսի 18-ին լրագրողների հետ հանդիպման ժամանակ ասաց թուրք-քրդական հակամարտության փորձագետ Կարեն Հովհաննիսյանը։
Նրա հավաստմամբ՝ քրդերը շատ ավելի վտանգավոր են, քան թուրքական կառավարությունը։ «Նրանք եւս կարող են մեր դեմ դուրս գալ։ Դրա հետ մկետեղ՝ չի կարելի չնշել, որ Թուրքիայի տարածքում բնակվող շատ ծպտյալ հայեր պետություն ստեղծելու հարցում աջակցում են քրդերին»,-հստակեցրեց փորձագետը։
Հովհաննիսյանը նշեց, որ մոտ ապագայում թուրքական Հաքարի նահանգը կարող է պետական կարգավիճակ ստանալ, ինչը վերջ կդնի միասնական թուրքական պետության գոյությանը։ Փորձագետի խոսքով՝ Թուրքիայի տապալմանն աջակցում է նաեւ ԱՄՆ-ն, որը զինում է քրդերին։ Հովհաննիսյանի կարծիքով՝ Ռուսաստանը քրդերին չի զինում ԱՄՆ-ի հետ իր դիմակայության պատճառով՝ չնայած նախկինում ակտիվորեն աջակցում էր քրդական դիմադրությանը։
