ԱՄՆ տրանսպորտային անվտանգության աշխատակազմը (TSA) չեղարկել է Saudi Arabian Airlines ավիաընկերության ԱՄՆ ուղղությամբ չվերթներով ձեռքի ուղեբեռում էլեկտրոնիկա տեղափոխելու արգելքը։ Այս մասին հայտնում է գերատեսչության Twitter միկրոբլոգը, փոխանցում է Lenta-ն։
TSA-ի ներկայացուցիչները հայտնել են, որ Սաուդյան Արաբիայի ավիափոխադրողը ու Ջիդդայում թագավոր Աբդուլ Ազիզի անվան օդանավակայանը, որտեղ գրանցված է ավիաընկերությունը, կատարել են անվտանգության միջոցառումների խստացմանն ուղղված ԱՄՆ-ի բոլոր նոր պահանջները։
Այսպիսով, Վաշինգտոնը ամբողջովին չեղարկել է Մերձավոր արեւելքի ու Աֆրիկայի երկրների չվերթներով խոշոր գաջետներ տեղափոխելու վերաբերյալ սահմանափակումները։ Նման միջոցառումներ ամերիկյան իշխանությունները ներդրել էին այս տարվա մարտին։ Այդ սահմանափակումները Վաշինգտոնը բացատրել է օդանավերում ահաբեկչական բարձրացած սպառնալիքով։