Բրիտանացի ոստիկաններին մեղադրել են նրանում, որ նրանք ոստիկանական ուղղաթիռից տեսագրել են սեքսով զբաղվող ու մերկ վիճակում արեւայրուք ընդունող մարդկանց։ AP-ի փոխանցմամբ, ոստիկանները օգտագործել են հզոր տեսախցիկները, որոնք տեղադրված էին ուղղաթիռների վրա, հասարակ մարդկանց նկարահանելու համար՝ դրանով իսկ խախտելով նրանց մասնավոր կյանքի իրավունքը։

Դատախազ Ռիչարդ Ռայթի խոսքով, հասարակայնությունը իրավունք ունի հույս ունենալ, որ ոստիկանական ուղղաթիռները օգտագործվում են անվտանգություն ապահովելու,  այլ ոչ թե սեռական ակտեր նկարահանելու համար։ 

Ոստիկաններից մեկը՝ 50-ամյա Ադրիան Պոգմորը իրեն մեղավոր է ճանաչել ոչ իրավաչափ վարքագծի մեջ։ Մյուս չորսը հերքում են մեղադրանքը։