ԵՄ-ն Հայաստանին 10 մլն եվրո կհատկացնի՝ Արարատյան դաշտավայրում ոռոգման ջրի տնտեսմանն աջակցելու համար։ Այս մասին NEWS.am-ի թղթակցին հայտնել է Հայաստանի գյուղատնտեսության փոխնախարար Արմեն Հարությունյանը։
Հիմա ծրագիրը մշակում են Հայաստանի Գյուղատնտեսական զարգացման հիմնադրամն ու Զարգացման ֆրանսիական գործակալությունը։
10 մլն եվրոյից 5-ը հատկացվելու է ագարակատերերի համար կաթիլային ոռոգման համակարգի ներդրմանը։ Մնացած 5 մլն-ով ոռոգման համար հողատարածքները խոշորացվելու են (որքան խոշոր է հողատարածքը, այդքան ցածր են մեկ միավոր մակերեսի համար ոռոգման համակարգերի ծախսերը, իսկ Հայաստանի ագարակատերերի հողերը շատ կտրտված են)։ Բացի դրանից ինստիտուցիոնալ աջակցություն է ցուցաբերվելու Էներգետիկ զարգացման ու ենթակառուցվածքների նախարարության ջրային տնտեսության կոմիտեին։