Թուրքիայի նախկին ռազմական դատախազ Ահմեդ Զեքին սկանդալային հայտարարություն է արել հեղաշրջման փորձի հետ կապված։
Թուրքական Yeni Akit-ի փոխանցմամբ՝ Ահմեդ Զեքին հայտարարել է, որ եթե 2016-ի հուլիսի 15-ի հեղաշրջման փորձը հաջողվեր, Թուրքիայի արեւելքում հայկական, իսկ հարավ-արեւելքում՝ քրդական պետություն էր ստեղծվելու։
Նա շեշտել է, թե Թուրքիան մի քանի մասի բաժանվելուց հետո թուրքական մասը կառավարվելու էր ԱՄՆ-ի հատուկ ծառայությունների կողմից։ Նախկին դատախազը նաեւ հավելել է, թե գյուլենականները հեղաշրջումից հետո կոտորելու էին իրենց հակառակորդներին ու թալանելու էին նրանց ունեցվածքը։