Խոշոր գերմանական կոնցեռններն առաջին անգամ են հայտնվել անձանց ու կազմակերպությունների ցանկում, որոնց կասկածում են ահաբեկչությանն աջակցելու մեջ: Ցանկը գերմանական գերատեսչություններին փոխանցել է Թուրքիան: Այս մասին հաղորդում է «ՌԻԱ Նովոստի»-ն՝ վկայակոչելով ZEIT պարբերականին:
Մասնավորապես, ցանկում նշված են 68 անձինք եւ կազմակերպություններ, այդ թվում՝ Daimler-ն ու BASF-ը: Թուրքիայի իշխանությունների տվյալներով՝ կոնցեռններն աջակցում են ընդդիմադիր քարոզիչ Ֆեթուլլահ Գյուլենին, որին Անկարան մասնակից է համարում Թուրքիայում ձախողված հեղաշրջման փորձին:
Կառավարական շրջանակում ցանկը «ծիծաղաշարժ» եւ «անհավանական» են անվանել, գրում է ZEIT-ը: