Հայաստանի կառավարությանն առընթեր զբոսաշրջության պետկոմիտեն կկազմի «Ռուսական հետք» զբոսաշրջային արտադրանքը։ Այս մասին հուլիսի 19-ին լրագրողների հետ հանդիպման ժամանակ հայտնել է Տնտեսական զարգացման ու ներդրումների նախարարության զբոսաշրջության հարցերով պետկոմիտեի ղեկավար Զարմինե Զեյթունցյանը։
Ռուսաստանից եկած զբոսաշրջիկներին ( ինչպես նաեւ այլ երկրներից եկած ռուսալեզու զբոսաշրջիկներին) կցուցադրեն ռուսական պատմության հետ կապված տեսարժան վայրերը (Երեւանյան ամրոցի փլատակները, ռուսական գյուղերը՝ երկրի հյուսիսում), ռուսաց գրականության հետ կապված վայրերը (Պուշկինի լեռնանցքը, տունը, որտեղ իջեւանել է Գորկին եւ այլն)։ «Ռոստուրիզմ» դաշնային գործակալության հետ համատեղ Պետկոմիտեն աշխատում է «Հանգստյան օրերին Հայաստան ներքին անձնագրերով» ծրագրի վրա։ Հանգստյան օրերին Հայաստան նման ուղեւորությունների գովազդման համար կհրավիրեն ռուս լրագրողների, նաեւ շնորհանդես կանցկացնեն Ռուսաստանում։