Վանաձոր–Ստեփանավան ավտոճանապարհի թունելի սկզբնամասում «Մերսեդես ML մակնիշի 99 RF 899 համարանիշի ավտոմեքենան քիչ առաջ բախվել է պատնեշներին ու գլխիվայր շրջվել։ Այս մասին դեպքի վայրից հայտնում է NEWS.am–ի թղթակիցը։ Վթարի հետեւանքով երկու հոգի տեղափոխվել են Վանաձորի բժշկական կենտրոն, մեկ մարդ մահացել է։

Այս պահին դեպքի վայր ժամանած ոստիկաններն ու փրկարարները փորձում են հատուկ տեխնիկայի գործադրմամբ մեքենայից դուրս բերել զոհվածի դին։

Նախնական տեղեկություններով՝ մեքենայի ուղեւորները սահմանապահ զորքերի զինծառայողներ են․ մեքենայում հայտնաբերվել է սահմանապահ զորքերի համազգեստ։  Դեպքի վերաբերյալ մանրամասները եւ լուսանկարները՝ ավելի ուշ։