Գերմանական Audi ավտոմոբիլային ապրանքանիշը հայտնվել է սկանդալի կենտրոնում՝ այն գովազդային տեսահոլովակի պատճառով, որտեղ իդեալական ավտոմեքենայի ընտրությունը համեմատել է իդեակայան կնոջ ընտրության հետ։ Գովազդային տեսահոլովակը թողարկվել է Չինաստանում ու վրդովված մեկնաբանությունների փոթորիկ առաջացրել ՝ ընդհուպ մինչեւ կանանց հանդեպ խտրականության ու սեքսիզմի մեջ մեղադրանքներ։
Տեսահոլովակում փեսացուն ու հարսնացուն կանգնած են խորանի մոտ։ Այն պահին, երբ փեսան պետք է պատասխանի հոգեւորականի այն հարցին, արդյոք համաձայն է կնության առնել այդ աղջկան, հայտնվում է բծախնդիր սկեսուրը։ Նա ընդհատում է արարողությունը ու սկսում է քննադատաբար զննել հարսնացուին, քաշում նրա քթից ու ականջներից, ստուգում ատամներն ու կուրծքը։ Արդյունքում նա գոհ է մնում ամեն ինչից։ Ու այդ ժամանակ հայտնվում է գրություն․ «կարեւոր որոշումը պետք է մտածված կայացնել», հետո հայտնվում է Audi մեքենան։ Սակայն չինացիները այդ հումորը չեն գնահատել, իսկ գովազդն արդյունքում ստիպված են եղել հետ կանչել։