Հայաստանի ԱԻՆ-ում, այսօր՝ հուլիսի 20-ին, ժամը 00:09-ին ահազանգ է ստացվել, որ Եղվարդ-Նոր Գեղի ավտոճանապարհին տեղի է ունեցել ավտովթար, բախվել են ավտոմեքենաներ, կան տուժածներ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Հ-6 ավտոճանապարհի Եղվարդ-Նոր Գեղի հատվածի 6-րդ կմ-ին բախվել են «BMW X5» մակնիշի 98 AQ 888 եւ «ՎԱԶ-2106» մակնիշի 35 LT 047 պետհամարանիշերով ավտոմեքենաները:
Վթարի հետեւանքով «BMW X5» մակնիշի ավտոմեքենան դուրս է եկել ճանապարհի երթեւեկելի հատվածից (մոտ 20 մ) եւ հայտնվել դաշտում, իսկ «ՎԱԶ-2106»-ի բալոնը պոկվել է:
Մինչ փրկարարների՝ կանչի վայր հասնելը 23-ամյա Ա. Կ.-ն, Բ. Հ.-ն եւ Ա. Մ.-ն հոսպիտալացվել են «Արմենիա» ՀԲԿ, որտեղ բժիշկները Ա. Մ.-ի առողջական վիճակը գնահատել են միջին ծանրության, իսկ մյուսներինը՝ ծայրահեղ ծանր:
