Cessna 206 մեկ շարժիչով ինքնաթիռն ԱՄՆ Նյու Յորք նահանգում արտակարգ վայրէջք է կատարել ավտոճանապարհի վրա։ «ՌԻԱ Նովոստի»-ն, վկայակոչելով ABC News հեռուստաալիքը, հաղորդում է, որ տուժածներ չկան։
Միջադեպը տեղի է ունեցել տեղի ժամանակով շուրջ 13։00-ին։ Իշխանություններիի տվյալներով՝ ինքնաթիռը Նյու Յորք նահանգից Նյու Ջերսի էր ուղեւորվում։ Օդաչուն վայրէջքի որոշում է կայացրել ինքնաթիռի անսարքության պատճառով։ Այն բարեհաջող վայրէջք է կատարել Յաֆանք բնակավայրի մերձակայքում։
Օդանավում օդաչուն միակ անձն էր, միջադեպի հետեւանքով նա չի տուժել։ Միջադեպին ականատես ավտոմեքենաների վարորդները եւս չեն տուժել։