ԱՄՆ նախագահ Դոնալդ Թրամփը որոշել է փակել Սիրիայի, այսպես կոչված, մեղմ ընդդիմությանը սպառազինության եւ ռազմական պատրաստվածության հարցում օգնություն ցուցաբերելու՝ ԿՀՎ-ի ծրագիրը։ Այս մասին գրում է The Washington Post-ը՝ վկայակոչելով աղբյուրներին։

Նշվում է, որ ծրագիրը գործել է 2013 թվականից եւ ստեղծվել է նախկին նախագահ Բարաք Օբամայի օրոք՝ Սիրիայի գործող նախագահ Բաշար Ասադի վրա ճնշում գործադրելու համար։ Իսկ 2015 թվականին Սիրիայում Ռուսաստանի գործողություններից հետո ծրագրի արդյունավետությունը կասկածի տակ առնվեց։

Աղբյուրի խոսքով՝ Թրամփը ծրագիրը փակելու որոշում է կայացրել ԿՀՎ-ի ղեկավար Մայք Պոմպեոյի եւ ազգային անվտանգության գծով իր խորհրդական Գերբերթ Մաքմասթերի հետ հանդիպումից հետո՝ ՌԴ նախագահ Վլադիմիր Պուտինի հետ ԱՄՆ առաջնորդի առաջին հանդիպման նախօրեին։

ԱՄՆ վարչակազմի անանուն աղբյուրը նշել է, որ ծրագիրը փակելը նշանավորել է «Սիրիայում Պուտինի հաղթանակը»։