Հայաստանի կառավարությունը մի շարք միջազգային պայմանագրեր հաստատելու օրինագծեր է նախապատրաստել։ Ազգային ժողովի նոր կանոնակարգի համաձայն՝ այդ պայմանագրերի հաստատման առանձին օրինագծեր են ընդունվում։
Հուլիսի 20-ի նիստի ժամանակ կառավարությունը հավանության է արժանացրել Հայաստանի եւ Ռուսաստանի միջեւ միացյալ զորախմբի համաձայնագիրը, Հայաստանի ու Ֆրանսիայի միջեւ ապօրինի ներգաղթյալներին ընդունելու համաձայնագիրը (ստորագրվել է 2016 թվականի հոկտեմբերի 27-ին, Փարիզում) վավերացնելու օրինագծերը։ Վերջին համաձայնագիրը կնքվել է որպես Հայաստանի եւ Եվրամիության միջեւ ավելի լայն համաձայնության կիրառման մասնավոր դեպք (2013 թվականի ապրիլին, Բրյուսելում)։
