Ղարաբաղյան հակամարտությունը Ռուսաստանին տարածաշրջանում իր շահերն առաջ մղելու հնարավորություն է տալիս: Այս մասին հուլիսի 20-ին՝ Երեւանում լրագրողների հետ հանդիպման ժամանակ հայտարարեց ռուսաստանցի քաղաքագետ Անդրանիկ Միհրանյանը:
Ի պատասխան այն հարցին, թե Ռուսաստանին ձեռնտո՞ւ է ղարաբաղյան հակամարտության կարգավորման ձգձգումը, քաղաքագետը նշեց. «Քիչ է մնում ասեն, թե հակամարտությունը Ռուսաստանն է հորինել: Այս հակամարտությունն արդյոք Ռուսաստանին հնարավորություն տալի՞ս է այն օգտագործել սեփական շահերի շրջանակում: Իհարկե, այս հակամարտությունը Ռուսաստանին տալիս է տարածաշրջանում իր շահերն առաջ մղելու հնարավորություն: Նման ցանկացած հակամարտություն մեծ տերություններն օգտագործում են սեփական շահերի առաջմղման համար»: