Բրիտանիայի իշխանությունները թուրքական կողմին տեղեկացրել են, որ Մեծ Բրիտանիա ուղեւորվող Թուրքիայի ավիաընկերությունների օդանավերով էլեկտրոնային խոշոր սարքերի փոխադրման արգելքը կհանվի, հինգշաբթի հայտնել է Anadolu գործակալությունը՝ վկայակոչելով դիվանագիտական աղբյուրին:
Նշվում է, որ նման հայտարարություն է կատարել Մեծ Բրիտանիայի ԱԳ նախարար Բորիս Ջոնսոնը՝ Թուրքիայի ԱԳ նախարար Մեւլութ Չավուշօղլուի հետ հեռախոսազրույցում:
Ավելի վաղ Մեծ Բրիտանիան ԱՄՆ-ից հետո հայտարարել էր Թուրքիայից, Լիբանանից, Հորդանանից, Եգիպտոսից, Թունիսից եւ Սաուդյան Արաբիայից Մեծ Բրիտանիա ուղեւորվող օդանավերում անվտանգության նկատառումներով խոշոր էլեկտրոնիկայի փոխադրման արգելքի մասին: Արգելքը սկսել էր գործել մարտի 25-ից:
