Երեւանի Ավան եւ Նոր Նորք վարչական շրջանների ընդհանուր իրավասության դատարանում քիչ առաջ վերսկսվեց «Սասնա Ծռեր» խմբի 18 անդամների գործով նիստը: Ընդմիջումից հետո դատարան են բերվել դատարանի դահլիճից հեռացված 16 ամբաստանյալները: Դահլիճում ներկա պաշտպանները պնդումե ն, որ դատարանը նիստը հետաձգի, քանի որ ամբաստանյալներից ոչ բոլորի պաշտպաններն են ներկա:
Նշենք, որ դատարանը 18 ամբաստանյալներից 16-ի նկատմամբ դատական սանկցիա էր կիրառել, դատավորն այսօր բավարարել է պաշտպանենրի միջնորդությունը եւ նրանց բերել դատարան:
Նշենք, որ Երեւանի Ավան եւ Նոր Նորք վարչական շրջանների ընդհանուր իրավասության դատարանում այսօր տեղիէ ունենալու «Սասնա Ծռեր» խմբի 18 անդամների գործով դատական նիստը. այս նիստն անցկացվում է արտագնա. Էրեբունի եւ Նուբարաշեն վարչական շրջանների ընդհանուր իրավասության դատարանի վարույթում քննվող գործով նիստերն անցկացվելու են Երեւանի Ավան եւ Նոր Նորք վարչական շրջանների ընդհանուր իրավասության դատարանում, որտեղ հատուկ «Սասնա Ծռերի» գործը քննելու համար դահլիճն ապակեպատ են դարձրել:
Հիշեցնենք, որ «Սասնա Ծռերի» 14 անդամի գործով նիստերը նույնպես անցկացվում են Ավան եւ Նոր Նորք վարչական շրջանների ընդհանուր իրավասության դատարանում: