Մարզերում գծատերեր, առանձին երթուղիներ չեն լինի, կլինի միասնական ցանց: Այս մասին, այսօր՝ հուլիսի 20-ին, կառավարության նիստից հետո լրագրողների հետ զրույցում նշել է ՀՀ տրանսպորտի, կապի եւ տեղեկատվական տեխնոլոգիաների նախարար Վահան Մարտիրոսյանը՝ անդրադառնալով Հայաստանում միասնական երթուղային ցանց ստեղծելու նախագծին:
«Տեխնիկական առաջադրանքի հիման վրա նոր կկառուցվի միասնական ցանց, եւ պահանջները կդրվեն»,-ասաց նա՝ հավելելով, որ ծրագիրը դեռ «հում» է: Նախարարի խոսքով, այսօրվա բոլոր երթուղիները սպասարկողների հետ պայմանագրեր ունեն, որի ժամկետները լրանալուց հետո նոր կարելի է անդրադառնալ փոփոխությանը. «Գծատեր, առանձին երթուղիներ չեն լինի, կլինի միասնական ցանց, որը կսպասարկվի կոնկրետ օպերատորի կողմից: Մի երթուղին չի պատկանելու մեկ անձի, կլինի մրցույթ»:
Վահան Մարտիրոսյանն ասաց, որ այս պահին դեռ վաղ է խոսել, թե որքան ներդրումներ անհրաժեշտ կլինեն ծրագիրը կյանքի կոչելու համար, դա կախված կլին նրանից, թե ինչ քանակի եւ ինչ մեքենաներ պետք է լինեն:
Այս ծրագիրը չի վերաբերելու Երեւանին:
