Գերմանիայում մեղադրանքներ են առաջադրվել 5 տղամարդու՝ ԻՊ-ի համար մահմեդականներ հավաքագրելու համար։
AP-ի փոխանցմամբ, 33-ամյա իրաքցին, որին նույնականացրել են որպես Ահմադ Աբդուլազիզ Աբդուլահ Ա․՝ Աբու Վալաա կեղծանունով, մեղադրվում է ահաբեկչական կազմակերպությանն անդամակցելու, ահաբեկչությունը ֆինանսավորելու ու հանցագործությունների հրապարակային հրահրման մեջ։
Նա ու մյուս չորսը կասկածվում են Գերմանիայում երիտասարդ մահմեդականներ հավաքագրելու ու նրանց Սիրիա ու Իրաք ուղարկելու համար դրամահավաք կազմակերպելու մեջ ։ Աբու Վալաան եղել է իմամ Հիլդեսհայմ քաղաքի արմատական մզկիթում, նաև կազմակերպել է «իսլամական դասընթացներ» Գերմանիայի այլ քաղաքների մզկիթներում։