Միչիգան նահանգի բնակիչ, ամերիկուհի Գլենա Դարեմը մեղավոր է ճանաչվել իր ամուսնու՝ Մարտինի սպանության մեջ։ Հանգուցյալի ազգականները վստահ են, ամուսինների տանն ապրող ժակո թութակ մտապահել ու կրկնում էր զոհի վերջին բառերը, հայտնում է BBC-ն։
Քննությունը հայտնել է, որ 2015-ի մայիսին 47-ամյա Գլենան ամուսնու վրա է արձակել հինգ փամփուշտ, որից հետո փորձել է ինքնասպան լինել։ Ատենակալները Գլենային մեղավոր են ճանաչել կանխամտածված սպանության մեջ։ Օգոստոսին կկայացվի դատավճիռը։
Բադ մականունով Ժակո թութակը, որը բաժին է հասել հանգուցյալի նախորդ կնոջը՝ Քրիստինե Քելլերին, նրա խոսքով բազմիցս իր նախկին տիրոջ ձայնով կրկնել էր․ «Մի կրակիր» արտահայտությունը, որից հետո՝ հայհոյանքներ։ Դատարանում թռչունը ներկա չի եղել։
Մեղադրող կողմը սկզբում դիտարկում էր որպես մեղադրական փաստարկ թութակի ձայները գործածելու հնարավորությունը։
Սակայն այդ առաջարկը մերժվել է, ու մեղադրող կողմի ներկայացուցիչը հայտնել է, որ թռչունին դժվար թե դատարան հրավիրեն ցուցմունքներ տալու։