Իրանի եւ Հայաստանի թշնամիները պարբերաբար քայլեր են ձեռնարկում՝ երկու երկրների հարաբերություններին վնաս հասցնելու համար, բայց այդ հարաբերությունները շարունակում են օրեցօր զարգանալ: Հուլիսի 21-ին Երեւանում լրագրողների հետ հանդիպմանն այս մասին հայտարարեց տարածաշրջանային հարցերով իրանցի փորձագետ Էհսան Հուշմանդը:
«Նույնիսկ ամենադժվար պահերին իրանցի ժողովուրդն ու իրանական պետությունը եղել եւ մնում են Հայաստանի կողքին: Երկու երկրների թշնամիները քայլեր են ձեռնարկում՝ դրանց վնաս հասցնելու համար, բայց ուրախությամբ պետք է արձանագրեմ, որ մեր հարաբերություններն օրեցօր զարգանում են»,- ընդգծեց Հուշմանդը:
Նրա խոսքով՝ երկու երկրների միջեւ, այսպես կոչված, պատը՝ վիզան, հանվել է: «Զգալիորեն ավելացել է Հայաստան ժամանող իրանցի զբոսաշրջիկների թիվը: Սակայն դա չի նշանակում, որ ամեն ինչ կատարյալ է: Հսկայական չիրացված ներուժ կա»,- հավելեց փորձագետը: