Արցախի հասարակությունը բավական լավ է հասկանում, որ գործընկեր չունի, որի հետ կարելի էր բանակցություններ վարել: Հուլիսի 21-ին լրագրողների հետ հանդիպմանն այս մասին հայտարարեց Կովկասի ինստիտուտի տնօրեն, քաղաքագետ Ալեքսանդր Իսկանդարյանը:
«Ավելի շուտ՝ ոչ թե արցախյան հասարակությունը, այլ հայկական կողմերն են հասկանում, որ այժմյան Ադրբեջանն այն կողմը չէ, որի հետ կարելի է լուրջ համաձայնություն ձեռք բերել: Արցախում հասկանում են, որ բռնկումները, որոնք ժամանակ առ ժամանակ տեղի են ունենում, պատահական չեն»,- ասել է քաղաքագետը:
Իսկանդարյանի կարծիքով՝ արցախյան հանրությունում, ի տարբերություն հայաստանյանի, ղարաբաղյան հիմնախնդրի հարցում քիչ թե շատ միասնական կարծիք ունեն:
