Ամփոփվել են 5-րդ բանակային զորամիավորման 2017թ. 2-րդ եռամսյակի մարտական եւ զորահավաքային պատրաստականության, մարտական հերթապահության եւ զինվորական կարգապահության արդյունքները:
Հայաստանի ՊՆ-ից NEWS.am-ին հայտնում են, որ մարտական պատրաստության վիճակը վերլուծելիս նշվել է, որ հաշվետու ժամանակահատվածում իրականացվել են նախանշված բոլոր միջոցառումները: Մարտական կրակի ուղեկցությամբ եւ 2016թ. ապրիլյան պատերազմի փորձի կիրառմամբ կազմակերպվել են նաեւ ցուցադրական ու մարտավարական զորավարժություններ:
Միաժամանակ, բոլոր օղակների հրամանատարների նպատակաուղղված աշխատանքի արդյունքում դրական տեղաշարժ է արձանագրվել զորամիավորման ստորաբաժանումներում զինվորական կարգապահության մակարդակի բարձրացման եւ դաստիարակչական աշխատանքների դրվածքի բարելավման ասպարեզներում:
Եզրափակիչ խոսքում զորամիավորման հրամանատար, գեներալ-մայոր Կարլոս Աբրահամյանը շնորհակալություն է հայտնել զորամասերի եւ ստորաբաժանումների հրամանատարներին բարձր արդյունքների համար` հորդորելով մշտապես զբաղվել ինքնակրթությամբ, իսկ առաջադրանքները կատարելիս կիրառել ժամանակակից լուծումներ եւ մշակել մարտական խնդիրների կատարման առավել արդիական եղանակներ: