Volkswagen, Audi, Porsche, BMW ու Daimler ընկերությունները մի քանի տասնամյակ շարունակ անցկացրել են գաղտնի խորհրդակցություններ, որոնց ժամանակ կայացրել են որոշումներ, որոնք խախտում են ազնիվ մրցակցության սկզբունքները, գրում է Der Spiegel-ը։
Ըստ այդ տեղեկատվության, 90-ականների սկզբից Volkswagen, Audi, Porsche, BMW ու Daimler-ի ներկայացուցիչները կանոնավոր հանդիպում են, այդ հանդիպումներին մասնակցել են ավելի քան 200 մասնագետներ։ Այսպիսով գերմանական ավտոարտադրողները մրցակցության շուկայական մեխանիզմները փոխարինել են գաղտնի համաձայնություններով։
Մասնավորապես հանդիպումների ժամանակ քննարկվել է մատակարարների ընտրությունը ու կոմպլեկտավորման դետալների արժեքը։ Հենց նման հանդիպումներից մեկի ժամանակ է ընդունվել որոշում, որը սկիզբ է դրել դիզելային շարժիչների արտանետումների խաբեությունների շուրջ սկանդալին, գրում է պարբերականը։
Այդ հանդիպումների մասին տեղեկություններ վերահսկիչ մարմիններ է ուղարկել նաեւ Daimler կոնցերնը։ Պարբերականը ենթադրոմ է, որ դրանով իսկ ավտոարտադրողները փորձում են մեղմել հնարավոր տուգանքները։ Եթե կարտելային համաձայնությունների մասին տեղեկությունը հաստատվի, ավտոկոնցեռնների դավադրությունը կարող է դառնալ ամենախոշոր կարտելային սկանդալներից մեկը Գերմանիայի պատմության մեջ։
