Ռուսաստանում Գորյաչի կյուչում ձերբակալվել է «օրենքով գող» 56-ամյա Սարգիս Սելվիյանը։ Քրեական գեներալին ձերբակալել են «Դուբրավա» ռեստորանում, երբ նա հանդիպում էր Գորյաչի կլյուչի «հսկող» Անզոր Շոնիայի հետ, գրում է «Փրայմ Քրայմը»։
Զննման ժամանակ Սելվիյանի մոտ հայտնաբերվել ու առգրավվել է սպիտակ գույնի փոշենման նյութ։ Հարցման ընթացքում «օրենքով գողը» խոստովանել է, որ այդ նյութն իրեն է պատկանում ու հաստատել, որ դա թմրանյութ է։
Կրասնոդարի երկրամասի Տուապսեի շրջանում ծնված Սարգիս Սեվիյանը, որը բազմիցս դատվել է գողությունների համար, «օրենքով գող» է «թագադրվել» 1993-ին։ Վերջին անգամ նա քրեական պատասխանատվության է ենթարկվել 2010-ին՝ թմրադեղերի ապօրինի շրջանառության համար։
