Ռուսաստանի ԱԳ նախարար Սերգեյ Լավրովը կարծում է, որ ԱՄՆ-ն ամբողջովին չի հրաժարվել Սիրիայում ընդդիմության խմբավորումներին աջակցելուց։ Նա այս մասին հայտնել է NBC News հեռուստաալիքին տված հարցազրույցում։
«Որքանով ես հասկանում եմ, ԱՄՆ-ն աջակցում է ավելի շատ խմբերի, քան այն խմբերը, որոնց մասին հայտարարվել է, որ դրանք կմնան առանց ամերիկյան զենքի»,- ասել է նա։
Նախարարը չի համաձայնել լրագրողի այն ենթադրության հետ, որ ԱՄՆ վերոնշյալ որոշումը Սիրիայի հարցով Ռուսաստանին արված զիջում էր։ «Այդ որոշումը կայացվել է, ինչպես ամերիկյան լրատվամիջոցներն են գրում, եթե իհարկե դեռ կարելի է հավատալ ամերիկյան լրատվամիջոցներին, իսկ ես փորձում եմ հավատալ, G20-ից մի քանի շաբաթ առաջ»,- նշել է Լավրովը։
Լավրովը գնահատական չի տվել Սիրիայում մի շարք խմբերին աջակցելուց հրաժարվելու մասին Վաշինգտոնից հնչող հայտարարություններին՝ նշելով, որ գլխավորը Սիրիայի ճգնաժամի կարգավորման մասին բոլորի համար ընդհանուր մոտեցման մշակումն է։ «Մենք իհարկե կենտրոնացել ենք դեէսկալացիայի գոտիների վրա, որոնք խնդիրն է դադարեցնել կառավարության ու զինված ընդդիմության բախումները։ Ու մենք հույս ունենք, որ նրանք կկենտրոնանան ԻՊ-ի դեմ պայքարի վրա։ Այսպիսով հրադադար, ռազմական գործողությունների դադարեցում ստորագրելու մասին կառավարության ու ընդդիմության տրամաբանությունը մեր տրամաբանությունն է»,- նշել է Լավրովը։