Ռուսաստանի նախագահ Վլադիմիր Պուտինը համաձայնել է, որ իր ավտոմեքենաներից մեկը՝ ԳԱԶ Մ-21 «Վոլգան» դարձնեն ինքնակառավարվող, հայտնում է ՌԻԱ Նովոտին։
«Ինքնակառավարվո՞ղ։ Իսկ «Վոլգաս» չե՞ս կոտրի։ Դե լավ, պայմանավորվեցինք»,- ասել է Պուտինը, պատասխանելով «Սիրիուս» մանկական կենտրոնի սաներից մեկի առաջարկին՝ նրա ԳԱԶ Մ-21 ավտոմեքենան ինքնակառավարվող դարձնել։
Ընդ որում Պուտինը կատակել է, հարցնելով, թե ինչպես է օգտագործվելու «Վոլգան» ինքնակառավարվող դառնալուց հետո։ «Որպես տաքսի՞ է օգտագործվելու։ Փո՞ղ ենք աշխատելու»,- հարցրել է նախագահը։
«Դե, մենք կմտածենք, թե ինչպես օգտագործենք։ Ես համաձայն եմ, պայմանավորվեցինք»,- հավելել է Պուտինը։
Ըստ եկամուտների մասին հայտարարագրի՝Պուտինը երկու «Վոլգա» ԳԱԶ Մ-21 մեքենաների սեփականատեր է։