«Իսլամական պետության» առաջնորդ Աբու Բակր ալ- Բաղդադին ենթադրաբար ողջ է։ Այս մասին հայտնել է Պենտագոնի ղեկավար Ջեյմս Մեթթիսը, փոխանցում է Reuters-ը։
«Ես կարծում եմ, որ նա ողջ է ու այլ կերպ կմտածեմ, երբ կիմանամ, որ մենք սպանել ենք նրան։ Բայց առայժմ մենք որոնում ենք նրան ․․․ ես ենթադրում եմ, որ նա ողջ է»,- ասել է նա։
Ավելի վաղ հայտնել էին, որ Ռուսաստանի նախագահի մամուլի քարտուղար Դմիտրի Պեսկովը չի հաստատել ԻՊ առաջնորդ ալ- Բաղդադիի մահվան մասին հաղորդագրությունը։
Հունիսի 16-ին Ռուսաստանի Պն-ն հայտնել էր, որ հավանաբար ոչնչացրել է ալ- Բաղդադիին։ Սակայն նշել էր, որ այդ տեղեկությունը դեռ ստուգվում է տարբեր ալիքներով։
