Հայաստանի Հանրապետության կառավարությունը խոր վշտով հայտնում է, որ դեկտեմբերի 1-ին կյանքի 83-րդ տարում երկարատեւ եւ ծանր հիվանդությունից հետո վախճանվել է պետական ականավոր գործիչ, Հայաստանի Հանրապետության ֆինանսների առաջին նախարար ՋԱՆԻԿ ԱՐՏԱՇԵՍԻ ՋԱՆՈՅԱՆԸ, եւ ցավակցում հանգուցյալի ընտանիքին ու մերձավորներին:
Կառավարության մամուլի ծառայությունից NEWS.am-ին հայտնում են, որ Ջանիկ Ջանոյանի թաղումը կազմակերպելու համար ՀՀ վարչապետի որոշմամբ ստեղծվել է կառավարական հանձնաժողով ՀՀ ֆինանսների նախարար Տիգրան Դավթյանի գլխավորությամբ: