Հուլիսի 23-ին նշվում է Կետերի եւ դելֆինների համաշխարհային օրը: Այս տոնը հիմնադրվել է 1986 թվականին, երբ Միջազգային կետորսական հանձնաժողովը, կետերի 200-ամյա անխնա ոչնչացումից հետո, արգելեց կետի որսը:
Արգելքը գործում է մինչ օրս եւ նշանակում է, որ ամբողջ աշխարհում կետի որսը, ինչպես նաեւ կետամսի առեւտուրն արգելված են: Սակայն կետի որսը տվյալ տեսակի կենդանիների համար միակ սպառնալիքը չէմ գրում է Calend-ը:
Ամեն տարի այս օրը բնապահպանական տարբեր խմբեր եւ կազմակերպություններ ակցիաներ եւ ցույցեր են անցկացնում՝ ի պաշտպանություն կետերի եւ ծովային այլ կաթնասունների: Հաճախ նրանք այդ օրը նվիրում են որեւէ եզակի տեսակի պաշտպանությանը, որին մահացու վտանգ եւ անհետացում է սպառնում:
