Արարատի մարզում հուլիսի 19-ին ականի պայթյունից վիրավորված զինծառայող 29-ամյա Արթուր Զախարյանի առողջական վիճակն արդեն բավարար է, նա ապաքինվում է: Այս մասին NEWS.am-ին հայտնեցին Հայաստանի ՊՆ կենտրոնական կլինիկական զինվորական հոսպիտալից: Արթուր Զախարյանի ոտքը վիրահատել էին, նրա վիրահատությունը լավ է անցել:
Ավելի վաղ NEWS.am-ը հայտնել էր, որ Հայաստանի զինված ուժերի Արարատի գնդի պայմանագրային զինծառայողներից մեկը հուլիսի 19-ին, ժամը 13.30-ի սահմաններում ականի պայթյունի հետևանքով վիրավորվել է:
Այս առնչությամբ ՀՀ Քննչական ծառայությունից հայտնել էին հետեւյալը. «Ժամը 13.50-ի սահմաններում N զորամասի տարածքում պայմանագրային զինծառայողը մարտական երթուղուց շեղվել է եւ ստացել բեկորային վնասվածք ոտքի սրունքի շրջանում: Նա անմիջապես տեղափոխվել է բժշկական կենտրոն եւ բուժօգնություն է ստանում»: