Մեծ Բրիտանիայի տրանսպորտի նախարար Քրիս Գրեյլինգը Daily Telegraph-ին տված հարցազրույցում կանխատեսել է, որ վարչապետ Թերեզա Մեյն այդ պաշտոնում կաշխատի առնվազն մինչեւ 2020 թվականը:

Նա վստահեցրել է, որ Մեյը կշարունակի պաշտոնավարել 2019 թվականի մարտին նախանշված Brexit-ից հետո, քանի որ մեծ աջակցություն ունի Պահպանողական կուսակցության կողմից:

Նախարարի խոսքով՝ Մեյը կարող է մասնակցել նաեւ հաջորդ ընտրություններին՝ հաղթանակի հնարավորություն ունենալով: Գրեյլինգը Մեծ Բրիտանիայի գործող կառավարությունում Մեյի ամենամտերիմ նախարարներից է: