Եթե մարդն իրական չորս ժամից պակաս է հանգստանում, ապա վթարի ենթարկվելու վտանգը 11.5 անգամ մեծանում է: Life-ի փոխանցմամբ՝ սրանք նոր հետազոտության տվյալներն են:
Ford-ի տվյալներով՝ ռուսաստանցի վարորդների 32%-ը երթեւեկության ժամանակ քնում է ղեկին: Եվրոպայում այս ցուցանիշը շատ ավելի ցածր է՝ շուրջ 20%:
Ընկերության վերլուծաբանները պնդում են, որ վարորդների միայն մեկ երրորդն է նախընտրում հոգնած լինելու դեպքում կանգ առնել եւ 20-30 րոպե քնել: Նույնքանն էլ ղեկին սուրճ, թեյ կամ էներգետիկ ըմպելիք է խմում: Վարորդների 23%-ը քունը հաղթահարելու համար բարձր երաժշտություն է միացնում, 7%-ը թեթեւ ֆիզիկական վարժություններ անում: Մյուսները նախընտրում են ծամոն ծամել, արեւածաղկի սերմ ուտել, մտքում վարժություններ լուծել:
Հիշեցնենք, որ ավելի վաղ նման հետազոտություն է անցկացրել նաեւ Անվտանգ ճանապարհային երթեւեկության հիմնադրամը: Այն ժամանակ պարզվել էր, որ վարորդը, որն օրական հինգ ժամից պակաս է հանգստանում, վթարի պատճառ դառնալու ավելի մեծ վտանգի է ենթարկվում, քան եթե հարբած լիներ: