Լոռու մարզի Արեւածագ գյուղում այսօր՝ հուլիսի 22-ին, պտղի մահանալու փաստով Թումանյանի քննչական բաժնում նյութեր են նախապատրաստվում: Այս մասին NEWS.am-ը տեղեկացավ Քննչական կոմիտեից:
Ալավերդու բժշկական կենտրոնի մանկաբարձա-գինեկոլոգիական բաժանմունքի վարիչ Լյուդա Մկրտումյանը մեզ հետ զրույցում նշեց, որ 24-ամյա հղին իրենց մոտ գրանցված չի եղել, նրա հղիությունը չեն վերահսկել: Նրա խոսքով՝ այժմ կինը գտնվում է իրենց մոտ, նրա վիճակը բավարար է:
Նշանակվել է պտղի դիակի դատաբժշկական փորձաքննություն:
Ավելի վաղ տեղեկացրել էինք, որ Լոռու մարզի Արեւածագ գյուղում այսօր՝ հուլիսի 22-ին, հղիության 7-րդ ամսում գտնվող կինը զուգարանում վիժել է, պտուղն ընկել է հորը: Դեպքը տեղի է ունեցել այսօր առավոտյան ժամը 06:00-ին, կնոջը հիվանդանոց են հասցրել հարազատները: