Արքայադուստր Դիանայի զավակները պատմել են մոր վերջին զանգի մասին, հայտնում է բրիտանական Independent-ը:
Քեմբրիջի դուքս Ուիլյամը եւ նրա եղբայր արքայազն Հարրին այս մասին պատմել են իրենց մոր մասին փաստագրական ֆիլմում:
Ուիլյամը հայտարարել է, որ վերջին զրույցը մինչ օրս հիշողությունից չի ջնջվել: Իսկ Հարրին ավելացրել է, որ զրույցը շատ կարճատեւ էր, եւ այդ մասին ինքը կափսոսի ամբողջ կյանքում:
«Մենք շտապում էինք նրան հրաժեշտ տալ եւ զրույցն արագ ավարտեցինք. «Լավ, կհանդիպենք»… Եթե միայն իմանայինք, թե ինչ է տեղի ունենալու, մենք երբեք այդպես չէինք վարվի»,- հայտարարել է նա:
Նրա խոսքով՝ իր եւ եղբոր համար նա ուղղակի ամենալավ մայրիկն էր, որը թարմ օդ էր ներարկում այն ամենում, ինչ անում էր:
