Երեւանում, այսօր՝ հուլիսի 23-ին, «Աստղիկ» բժշկական կենտրոնում մահացել է հուլիսի 14-ին Մարտունի քաղաքում տեղի ունեցած վրաերթի ենթարկված 17-ամյա Սոնա Կարապետյանը:
Shamshyan.com-ի փոխանցմամբ, վերջինս նշված բժշկական կենտրոն էր տեղափոխվել հուլիսի 21-ին «Պոլիտրավմա, ձախ ազդրի բեկորային փակ կոտրվածք, գանգուղեղային փակ տրավմա, ցնցում ախտորոշմամբ» Մարտունու բժշկական կենտրոնից, որտեղ տեղափոխվել էր հուլիսի 14-ին ժամը 12:00-ի սահմաններում Մարտունի քաղաքի Պռոշյան եւ Աբովյան փողոցների միացման խաչմերուկում վրաերթի ենթարկվելուց հետո:
Աղբյուրի տեղեկություններով, իրավապահները պարզել են, որ վրաերթը կատարել է Մարտունի քաղաքի բնակիչ 55-ամյա Մյասնիկ Խ.-ն իր վարած ՎԱԶ 2106» մակնիշի 65 ՍՏ 172 համարանիշի ավտոմեքենայով:
Մահացած Սոնա Կարապետյանը սովորում էր Երեւանի պետական համալսարանի իրավաբանական ֆակուլտետի 1-ին կուրսում:
