Մոսկվայի Բասմանի շրջանային դատարանը որոշում է ընդունել Ուկրաինայի դատախազության 2 բարձրաստիճան պաշտոնյաների հեռակա կալանավորման մասին: Նրանք են՝ Ուկրաինայի գլխավոր ռազմական դատախազության դատախազ Ռուսլան Կրավչենկոն եւ Ուկրաինայի գլխավոր դատախազության հատուկ կարեւոր գործերով քննիչ Վադիմ Պրիյմաչոկը, հայտնում է ՏԱՍՍ-ը:
Հայտարարվել է նրանց միջազգային հետախուզում ՌԴ պաշտպանության նախարար Սերգեյ Շոյգուի դեմ քրեական գործի պատճառով: Դրանից զատ, Կրավչենկոն քննում է Ուկրաինայի նախկին նախագահ Վիկտոր Յանուկովիչի պետական դավաճանության գործը: