ԱՄՆ նախագահ Դոնալդ Թրամփը կաջակցի Ռուսաստանի դեմ նոր պատժամիջոցներին: Այս մասին հայտարարել է Սպիտակ տան մամուլի քարտուղար Սառա Սանդերսը:
«Նախագահի վարչակազմը աջակցում է Ռուսաստանի դեմ խստությանը, մասնավորապես՝ նոր պատժամիջոցների հարցում»,- ասել է նա ABC-ի հետ հարցազրույցում:
Նրա խոսքով՝ նախնական օրինագիծը գոհացնող չէր, սակայն վարչակազմը Սենատի եւ Ներկայացուցիչների պալատի հետ օրինագծի վրա աշխատել է: Սպիտակ տունն աջակցում է օրինագծի ներկայիս խմբագրմանը, հավելել է նա: