Ռեկորդային տեղատարափ անձրեւները հանգեցրել են գրեթե 500 տների ջրածածկ լինելուն Ճապոնիայի Ակիտա պրեֆեկտուրայում՝ ըստ երկուշաբթի հրապարակված ջրհեղեղների պատճառած վնասի գնահատման տվյալների: Այս մասին հայտնում է «Կիոդո» գործակալությունը:
Ակիտայի 17 համայնքներում 485 տուն ջրածածկ է եղել: Ջրհեղեղները եւ անձրեւները երկաթուղու աշխատանքի ընդհատումներ են առաջացրել:
NHK հեռուստաալիքի եթերում ջրով ողողված ճանապարհների, դաշտերի եւ ջերմոցների, երկաթուղու ամրություների փլուզումների կադրեր են ցուցադրել:
Հուլիսի սկզբին Ֆուկուոկա եւ Օիտա պրեֆեկտուրաներում ջրհեղեները եւ սողանքները հանգեցրել էին 32 մարդու մահվան, եւս 10 մարդ անհետ կորած է համարվում: Այնտեղ միայն առաջին օրերին տեղումների քանակը գերազանցել է հուլիսի ամսական նորման, գետերը հորդացել են եւ վերածվել փոթորկվող հոսանքների, որոնք իրենց ճանապարհին ամեն ինչ քշել տարել են:
